Soos die wind bepaal

So kom die hitte met die wind se draai

en hy stuur die koue in sy maai,

hy maak die branders ongedurig

en gemoedere word vurig.

Dis die Oosweer wat so maak,

hy gryp ons almal aan die kaak,

soos Simson slaan hy ons dan plat

voor 'n ander wind oorvat.

Maar waai die winde uit die weste,

dan is dinge op hul beste,

want westewinde bring mos reën

om die dorre aarde mee te seën.

Uit die Suide kry ons koud,

en soek ons naarstig na braaihout

want vuurtjie-warm wil ons wees

as die Suidewind ons kneus.

Laat ons nie die Noordewind vergeet,

want dis die een waaruit ons eet,

dis hy wat mos die snoek laat loop

wat ons op die kaai verkoop.

Die Weskuswind se waai bepaal

die trant van elke dag’s verhaal,

mens en dier skik hom daarna

eerder as om windstil dae te ja.

An original poem by Miekie (Marietjie Uys).

'n Oorspronklike gedig deur Miekie (Marietjie Uys).

Marietjie Uys (Miekie) is a published author. You can buy my books here:
You can purchase Designs By Miekie 1 here.
Jy kan Kom Ons Teken en Verf Tuinstories hier koop.
Jy kan Kom Ons Kleur Tuinstories In hier koop.
Jy kan Tuinstories hier koop.
You can follow Miekie's daily Bible Study blog, Bybel Legkaart, here in English & Afrikaans.
You may prefer to follow the traveling blog, A Pretty Tourist.
For more crafty ideas and great product reviews, visit A Pretty Talent on Facebook.
If you are in a literary mood, follow Miekie's musings, stories and poetry on A Pretty Author - Miekie.
Remember to keep nurturing your TALENT for making life PRETTY.
You can subscribe to any of these blogs and receive regular updates by email. Simply register your email address at the top of the applicable blog.