Honde-maat

Kyk dan die konsternasie nou

wat op jou gesig ontvou -

jy blaf en knor en lyk skoon vies,

dit was maar net 'n harde nies.

Jy snork dat hoor en sien vergaan,

lê en slaap as ek opstaan,

maar laat ek net my lyf neerlê,

dan spring jy op en sê jou sê!

Sit ons rustig saam en TV kyk,

kry ek snuf dat iets mos ruik!

Ek waai verwoes en trap jou uit,

maar jy steur jou nie een dooie duit.

Sou ek dalk 'n ruk weggaan

en keer dan terug met als gedaan,

kan ek welkom lees op jou gesig

en groet jy my oorywerig.

Ek tel maar op en maak maar skoon

waar ons twee saam die huis bewoon,

want stokke bly jy maar indra

al weet jy goed dat dit my pla.

Tog kla ek met my tong in kies,

want ek is tog nie regtig vies -

as jy hier knus teen my kom lê,

dan weet ek jy wil my ook hê.

An original poem by Miekie (Marietjie Uys).

'n Oorspronklike gedig deur Miekie (Marietjie Uys).

Marietjie Uys (Miekie) is a published author. You can buy my books here:
You can purchase Designs By Miekie 1 here.
Jy kan Kom Ons Teken en Verf Tuinstories hier koop.
Jy kan Kom Ons Kleur Tuinstories In hier koop.
Jy kan Tuinstories hier koop.
You can follow Miekie's daily Bible Study blog, Bybel Legkaart, here in English & Afrikaans.
You may prefer to follow the traveling blog, A Pretty Tourist.
For more crafty ideas and great product reviews, visit A Pretty Talent on Facebook.
If you are in a literary mood, follow Miekie's musings, stories and poetry on A Pretty Author - Miekie.
Remember to keep nurturing your TALENT for making life PRETTY.
You can subscribe to any of these blogs and receive regular updates by email. Simply register your email address at the top of the applicable blog.