Oggendgroet

Die oggenduur roep my naam

wil hê dat ek nou op sal staan

maar ek sluimer onder die doek

vertel hom hy moet elders soek.

Die oggend wil nie stilbly nie

sy koue vingers wil my kielie

tot ek uiteindelik maar opspring

lus vir die bekende koffie-ding.

O, Oggend,! laat my eerder staan

en laat die son op sy weg gaan

wyl ek nog eens 'n uiltjie knip

voor ek oplaas by die bed uitglip.

Die oggend steur hom nie aan my

lag my uit oor my gestryery

hy weet goed ek het reeds ontwaak

my oop oë stel my aan die kaak.

Goed dan, Oggend, wys my wat jy het

wat my so dringend uit die bed

moes jaag om hiedie dag se kou

van naderby te gaan beskou.

Die oggend roep die son se rooi

om die koue lug in warmte te tooi

en gee my hoop vir hierdie dag

en alles wat moontlik op my wag.

Ek sluit my oë in dankbaarheid

oor my koppie koffie en beskuit

oor my warm bed en ook die huis

en almal daar binne, veilig tuis.

Met stille vrede in my gemoed

besluit ek om hierdie dag te groet

as een wat ek by God ontvang

om aan my lewensboom te hang.

An original poem by Miekie (Marietjie Uys).

'n Oorspronklike gedig deur Miekie (Marietjie Uys).

Marietjie Uys (Miekie) is a published author. You can buy my books here:
You can purchase Designs By Miekie 1 here.
Jy kan Kom Ons Teken en Verf Tuinstories hier koop.
Jy kan Kom Ons Kleur Tuinstories In hier koop.
Jy kan Tuinstories hier koop.
You can follow Miekie's daily Bible Study blog, Bybel Legkaart, here in English & Afrikaans.
You may prefer to follow the traveling blog, A Pretty Tourist.
For more crafty ideas and great product reviews, visit A Pretty Talent on Facebook.
If you are in a literary mood, follow Miekie's musings, stories and poetry on A Pretty Author - Miekie.
Remember to keep nurturing your TALENT for making life PRETTY.
You can subscribe to any of these blogs and receive regular updates by email. Simply register your email address at the top of the applicable blog.